யக்ஞா, உங்கள் விரிவான பதிவையும் எதிர்நோக்குகிறேன். PUA பற்றி நீங்கள் கூறுவது மிகச்சரி. TANE-ஐ அங்கு வைப்பது சோதனைகளுக்கு உதவலாமே தவிர வேறு எள்ளளவும் பயனில்லை. பலரும் அவற்றைப் பயன்படுத்தலாம் என்பதால் தேடுபொறிகளில் சிக்கா. உங்களைப் போன்றே வேறு குறியேற்ற மாற்றங்களில் எந்த எதிர்பார்ப்பும் இல்லையென்றே எண்ணினேன். ஆனாலும், ஒருவேளை இப்போதைய த.நா. அரசு முனைப்புகளால், ஒருங்குறிச்சேர்த்தியத்தோடான கூட்டங்களால் பயன்விளையுமோ என்று ஒரு துளி எதிர்பார்ப்பு இருக்கிறது. புதுவைப்பட்டறையில் பொன்னவைக்கோவின் பேச்சைக் கேட்டீர்களா?

இவை கிடக்க, இந்தச் சிக்கலுக்கு நுட்பத் தீர்வுகள் பற்றி நன்கு தெரிந்து கொள்ள எனக்கு ஆர்வம் உண்டு. அது குறித்தும் உங்களோடு தொடர்பு கொள்கிறேன்.

மயூரன், நோக்கியாவின் பிற செல்பேசிகளிலும் தமிழ் தெரிய வைப்பது சிரமமாய் இருக்காது என்று எண்ணுகிறேன். சந்தை இருப்பின் நிறுவனங்கள் தாமாகவே முக்கியத்துவம் தந்து வசதிகளை வழங்கும்.

ஆனாலும் அடிப்படைக் குறைபாடுகள் நீங்கினால் நிறைவு உண்டாகும். TANE குறித்து நம்பிக்கை இழந்தும், பின் மீண்டும் நம்பிக்கை கொண்டும் இருக்கிறேன். வரும் மாதங்கள் சாத்தியங்களைச் சொல்லலாம். இருப்பினும், இக்குறைபாடுகளின் ஊடாகவும் நிரல்கள் கொண்டு மேற்செல்வது பற்றியும் அதே நேரத்தில் யோசிக்கலாம்.

“ம” என்று ஒரு எழுத்தை சேமிக்க எடுக்கும் இடமும் “கோ” என்ற ஒரு எழுத்தை சேமிக்க எடுக்கும் இடமும் ஒன்றாகத்தான் இருக்க வேண்டும் என்ற அடிப்படை அறிவு கூட இல்லாமல் வடிவமைக்கப்பட்ட கொடுமையை எங்கே போய் சொல்ல?

வடிவமைத்த புண்ணியவான்கள், அகரவரிசைப்படுத்த(sort alphabetically) வாய்பாடு எழுத கொஞ்சமாவது யோசித்திருந்தால் இப்படிப் பிளந்து போட்டிருக்க மாட்டார்கள்.

நல்ல மிக விவரமாக எழதப் பட்ட பதிவு.

நன்றி

மயிலாடுதுறை சிவா…

2. ஒருங்குறிக்கான தமிழ் எழுத்து அட்டவணையினை அனுப்பியவர்களின் கவனக்குறைவே எம்மீது இந்த அரைகுறை முறைமை திணிக்கப்படக் காரணம் என்று சொல்லப்படுகிறது. இனி செய்ய எதுவும் இல்லை. ஆனால் இந்த வரலாற்றிலிருந்து நாம் பாடம் கற்றுக்கொண்டு இனிவருங்காலங்களிலாவது திறந்த நிலையில் அனைவரும் அறிய முக்கிய முடிவுகளை எடுக்கப் பழகிக்கொள்ள வேண்டும். செய்யும் பணியின் பெறுமதியை உணர்ந்து கவனக்குறைவின்றிச் செயற்பட வேண்டும்.

3. நோக்கியா செல்பேசியில் தமிழை கொண்டு வந்ததில் மகிழ்ந்திருப்பதை விட java 2 அல்லது அதற்கு சமானமான தொழிநுட்பத்தில் இயங்கும் ஏனைய செல்பேசிகளில் தமிழை நாமாக எப்படி தெரியப்பண்ணுவது என்பதுகுறித்து தேடி பகிரவேண்டும். அதுவே பயனுள்ளது.

ஆழமான பதிவு.
நன்றி.